Policia e Shtetit ka njoftuar se 11 punonjës policie janë dëmtuar dhe po marrin ndihmë mjekësore si pasojë e sulmeve me molotov dhe sende të forta para Kryeministrisë dhe sulmeve të tjera para Parlamentit.
Ngjarja ndodhi gjatë protestës së thirrur nga kryedemokrati Sali Berisha. Protestuesit sulmuan efektivët e policisë, duke shkaktuar lëndime.
Grupi hetimor po vazhdon punën për dokumentimin ligjor të veprimeve të dhunshme ndaj punonjësve të policisë. Shërbimet e policisë kanë identifikuar personat e përfshirë në sulme dhe po kryen procedurat për shoqërimin e tyre.
Përditësime
Policia e Shtetit shoqëroi 23 persona, përfshirë një të mitur, gjatë protestave para Kryeministrisë dhe Parlamentit.
- Disa protestues u lënduan nga gazi lotsjellës.
- 5 efektivë policie u transportuan në autoambulancë.
- Protestuesit sulmuan me lëndë piroteknike dhe molotovë.
- Policia lëshoi thirrje përmes qendrës së zërit dhe ndërhyri për shpërndarjen e turmës.
Drejtori Elton Alushi dhe zëvendësi Dashnor Muhaj vizituan Spitalin e Traumës dhe Repartin e Djegieve.