Një ngjarje e rëndë ka ndodhur më 13 janar në Perry County të Pennsylvanias, Shtetet e Bashkuara, ku një djalë 11-vjeçar dyshohet se ka qëlluar për vdekje babanë e tij.
Sipas mediave amerikane, konflikti nisi kur babai, Douglas Dietz, 42 vjeç, i kishte konfiskuar birit levën e videolojërave Nintendo Switch. Policia u njoftua gjatë natës për një thirrje emergjente dhe, pas mbërritjes në banesë, gjeti viktimën pa shenja jete në shtratin e tij.
Bashkëshortja e viktimës, e cila po flinte në momentin e ngjarjes, u zgjua nga një zhurmë e fortë. Ajo u përpoq të zgjonte bashkëshortin, por pasi ndez dritën, pa dhomën të mbuluar me gjak. Djali i tha nënës: “Babi vdiq. Unë e vrava babin.” Gruaja ndjeu gjithashtu një erë të ngjashme me fishekzjarrët, e cila rezultoi të ishte aroma e armës së zjarrit.
Hetimet paraprake tregojnë se fëmija kishte gjetur çelësat e armës së mbyllur ndërsa kërkonte levën e konfiskuar. Ai e mori armën, e mbushi dhe qëlloi babanë e tij.
11-vjeçari ndodhet aktualisht në paraburgim policor. Autoritetet kanë refuzuar lirimin e tij me kusht. Hetimet vijojnë për zbardhjen e plotë të rrethanave.
Përditësime
Sherifi i Perry County ka ngritur akuzë për vrasje të paqëllimshme ndaj një 11-vjeçari qëlloi babanë e tij për vdekje. Djali u shpreh se ishte i zemëruar dhe nuk e kishte menduar. Ngjarja ndodhi në ditëlindjen e tij, pas një dite të këndshme me prindërit, kur u zemërua pasi babai i tha të flinte. Policia mbërriti në orën 03:20 të mëngjesit. Viktima kishte plagë armësh në kokë, ndërsa çelësi i kasafortës ndodhej në sirtarin e dhomës së prindërve.