Sipas të dhënave të Eurostat për vitin 2025, 132 mijë e 600 shtetasve të vendeve të treta iu refuzua hyrja në kufijtë e jashtëm të Bashkimit Europian, me një rritje prej 7.1% krahasuar me vitin 2024.
Refuzimet sipas vendeve
Numri më i lartë i refuzimeve u regjistrua në Poloni (28 mijë e 960, ose 21.8% e totalit), e ndjekur nga Franca (12 mijë e 210, 9.2%), Kroacia (12 mijë e 90, 9.1%) dhe Spanja (10 mijë e 610, 8.0%).
Shumica e refuzimeve (53.9%) ndodhën në kufijtë tokësorë, të ndjekur nga kufijtë ajrorë (43.1%) dhe detarë (3.0%).
- Në kufijtë tokësorë: Polonia (26 mijë e 355), Kroacia (11 mijë e 660), Rumania (9 mijë e 185).
- Në kufijtë ajrorë: Franca (10 mijë e 80), Spanja (9 mijë e 980), Gjermania (7 mijë e 465).
- Në kufijtë detarë: Italia (1 mijë e 405), Franca (1 mijë e 35), Greqia (405).
Kombet më të refuzuara
Kombet me më shumë refuzime ishin ukrainasit (26 mijë e 975), shqiptarët (12 mijë e 430), moldavët (11 mijë e 660), kolumbianët (6 mijë e 565), turqit (5 mijë e 635) dhe serbët (5 mijë e 440).
Për shtetasit shqiptarë
Refuzimet u shpërndanë kryesisht në kufijtë ajrorë (5 mijë e 780), tokësorë (5 mijë e 500) dhe detarë (1 mijë e 150). Vendet kryesore: Italia (3 mijë e 220), Greqia (2 mijë e 670), Kroacia (1 mijë e 580), Irlanda (1 mijë e 280), Hungaria (990), Gjermania (775).
Arsyet kryesore ishin qëllimi dhe kushtet e qëndrimit të pajustifikuara (30.3%), qëndrimi i tejkaluar prej tre muajsh në gjashtëmujorin e fundit (16.9%) dhe mungesa e vizës ose lejes së qëndrimit (15.3%).
Kthimet
Në të njëjtin vit, 35 mijë e 460 shtetas të vendeve të treta u kthyen në vende të treta pas urdhërit të largimit, duke përfaqësuar 87.3% të totalit të kthimeve (155 mijë e 110). Ndër ta, shqiptarët renditen me 8 mijë e 20, pas turqve (13 mijë e 405), gjeorgjianëve (10 mijë e 475) dhe sirianëve (8 mijë e 370).