Komisioni i Posaçëm në Ministrinë e Brendshme ka caktuar datën 24 mars, në orën 09:30, për intervistat me 14 kandidatë për postin e drejtorit të përgjithshëm të Policisë së Shtetit. Kjo fazë vjen pas shkarkimit të Ilir Prodës nga detyra.
Komisioni përbëhet nga tre anëtarë: një zëvendësministër i Brendshëm si kryetar, sekretari i përgjithshëm i ministrisë dhe drejtuesi i Agjencisë së Mbikëqyrjes Policore. Për këtë post aplikuan 16 kandidatë. Pas verifikimit paraprak, dy gra që nuk ishin pjesë e Policisë së Shtetit u skualifikuan, duke lënë në garë 14 zyrtarë të lartë policie me gradë drejtues, drejtues i parë ose drejtues madhor.
Mes kandidatëve janë:
- Saimir Boshnjaku
- Tonin Vocaj
- Skënder Hita
- Elidon Çela
- Afrim Tafa
- Rebani Jaupi
- Lorenc Panganika
- Gentian Berberi
- Alfred Çepe
- Arjanit Arapi
- Gentjan Shehaj
- Idajet Faskaj
- Neritan Nallbati
- Pëllumb Seferi
Kandidatët kanë përvojë të gjatë në Policinë e Shtetit. Pas intervistave, komisioni ka 48 orë për të shpallur rezultatet dhe pikëzimin e secilit. Emrat më të vlerësuar do t’i propozojë ministri i Brendshëm Këshillit të Ministrave për emërimin e drejtorit të ri.