Pas zgjedhjeve të 7 qershorit, rezultatet preliminare tregojnë se një numër i konsiderueshëm i përfaqësuesve të legjislaturës së kaluar, e cila zgjati vetëm dy muaj e gjysmë, nuk do të jenë pjesë e Kuvendit të ri. Nga numërimi i mbi 90 për qind të votave, rezulton se 30 ish-deputetë nuk kanë arritur të rizgjidhen.
Nga Lëvizja Vetëvendosje, kandidatët që mbeten jashtë janë: Fatmire Kollçaku-Mullhaxha, Naim Bardiqi, Fjolla Ujkani, Ejup Ahmeti, Fitim Haziri, Vigan Qorrolli, Ilir Qeriqi, Salih Zyba, Drita Pajaziti, Arsim Demi, Agon Batusha, Luan Aliu, Egzon Azemi, Shqipe Isufi, Fahrush Rexhepi, Arjeta Rexhepi, Avdullah Klinaku, Mytaher Haskuka, Bylbyl Sokoli, Bajram Mavriqi, Rozeta Hajdari, Fatos Geci dhe Enver Dugolli.
Nga PDK-ja nuk kanë siguruar mandat Ariana Musliu-Shoshi, Arbnore Salihu dhe Nait Hasani. Nga LDK-ja, ish-deputetja Adelina Thaqi-Meta është e vetmja që nuk arriti të rizgjidhet, ndërsa nga Lista Serbe mbeten jashtë Milan Kostiq, Verica Cerniq dhe Nemanja Bisevac.
Sa i përket AAK-së, për shkak të kuotës gjinore dhe listave, Agim Çeku nuk do të jetë në përbërjen e re, duke i liruar vendin Albana Bytyqit.
Në aspektin e përfaqësimit gjinor, 29 gra kanë fituar ulëse pa pasur nevojë për kuotën, ndërsa 3 të tjera pritet të hyjnë në Kuvend përmes këtij mekanizmi. Kjo strukturë e re pritet të ndikojë në ndryshimin e mandateve për disa kandidatë burra, veçanërisht në PDK dhe AAK.
Përditësime
Të dhënat zyrtare tregojnë fuqizimin e përfaqësimit femëror në legjislat pa kuotë: 16 gra në LVV, 7 gra në LDK dhe 5 gra në PDK fituan mandatet e tyre përmes votës së drejtpërdrejtë. LDK konfirmoi shtimin e 5 mandateve shtesë në krahasim me legjislaturën e kaluar. Ndërkohë, brenda strukturave të AAK-së, Ardian Gjini vijon të mbetet figurë qendrore në procesin e negocimit të mandateve të reja.