Një vajzë 6-vjeçare nga Kina, e identifikuar si Lian Yunzhi (e njohur me nofkën “Zhizhi” nga qyteti i Chengdu), ka arritur një sukses të jashtëzakonshëm në botën e garave të kubit të Rubikut. Brenda një harku kohor prej tri ditësh, ajo ka thyer dy herë rekordin botëror për femra në kategorinë 3x3x3.
Sipas të dhënave, arritja e parë u shënua më 12 shtator në qytetin e Wuhanit, ku ajo vendosi një rekord me një mesatare prej 4,52 sekondash në një garë të certifikuar nga World Cube Association (WCA). Vetëm dy ditë më vonë, më 14 shtator, në një tjetër garë të zhvilluar në Guangzhou, Lian Yunzhi e përmirësoi rezultatin e saj, duke e zbritur kohën në 4,27 sekonda.
Me këto rezultate, ajo është bërë atletja e parë femër që arrin një mesatare nën 4,5 sekonda në këtë disiplinë. Suksesi i gjashtëvjeçares është rezultat i një angazhimi të vazhdueshëm. Nëna e saj ka bërë të ditur për Red Star News se vajza stërvitet rreth dy deri në tri orë çdo ditë dhe ka memorizuar më shumë se 1.300 sekuenca lëvizjesh për zgjidhjen e kubit. Lian Yunzhi, e cila vjen nga provinca e Sichuanit, është kthyer tashmë në një prej emrave më të spikatur të këtij sporti në nivel botëror.