Një shtetase 73-vjeçare, e identifikuar si V. B., u gjet e pajetë në lumin Osum, në fshatin Gradishtë të Beratit, rreth orës 09:00 të 25 prillit 2026.
Ajo ishte larguar nga banesa më 22.04.2026. Nga të dhënat paraprake, rezulton se vuante nga probleme të shëndetit mendor.
Policia e Beratit bën të ditur se grupi hetimor ndodhet në vendngjarje dhe po kryen veprimet procedurale për sqarimin e rrethanave.
Materialet procedurale iu referuan Prokurorisë së Beratit për veprime të mëtejshme.