Aleanca për Ardhmërinë e Kosovës (AAK) mban sot, më 6 mars 2026, mbledhje të jashtëzakonshme të Këshillit të Përgjithshëm në selinë qendrore të partisë. Pas përfundimit të mbledhjes, AAK do të zhvillojë konferencë për media në orën 17:00.
Mbledhja vjen pas zhvillimeve të fundit politike në Kosovë, në prag të zgjedhjeve të jashtëzakonshme parlamentare. Sipas zëdhënësit të AAK-së, Kushtrim Xhemaili, në rend dite janë dy pika kryesore:
- pezullimi i zgjedhjeve të brendshme të partisë në të gjitha nivelet e organizimit;
- plani për zgjedhjet parlamentare, duke përfshirë listën zgjedhore, programin zgjedhor dhe organizimin e shtabit zgjedhor.
AAK ka pezulluar zgjedhjet e brendshme të planifikuara, në të cilat kryetari Ramush Haradinaj kishte në plan të mos kandidonte më. Kjo lëvizje lidhet me dekretin e presidentes Vjosa Osmani për shpërndarjen e Kuvendit.
Sot është zhvilluar po ashtu takimi i presidentes Osmani me krerët e partive opozitare, ku Lëvizja Vetëvendosje refuzoi të marrë pjesë.