Lumir Abdixhiku, kryetar i Lidhjes Demokratike të Kosovës (LDK), ka postuar një mesazh në Facebook më 8 maj 2026, ku u është drejtuar anëtarëve të partisë.
Në mesazh, ai zotohet për bashkimin e të gjithëve, duke premtuar se do t’i bashkojë "ata që kanë qëndruar gjithmonë", "ata që janë larguar", "ata që kanë heshtur" dhe "ata që ende besojnë".
Abdixhiku thekson se LDK-ja ka qenë gjithmonë më e madhe se secili individ dhe shtëpia e njerëzve të saj.
"Dhe koha ka ardhur që kjo shtëpi të bëhet sërish një", shkruan ai.
Postimi i plotë:
"Anëtarësisë së Lidhjes,
Ju zotohem, do t’i bashkoj të gjithë.
Ata që kanë qëndruar gjithmonë.
Ata që janë larguar.
Ata që kanë heshtur.
Ata që ende besojnë.
Sepse LDK-ja ka qenë gjithmonë më e madhe se secili prej nesh. LDK-ja ka qenë gjithmonë shtëpia e njerëzve të saj.
Dhe koha ka ardhur që kjo shtëpi të bëhet sërish një."