Futbollisti i kombetares se Marokut dhe i klubit Paris Saint-Germain, Achraf Hakimi, do te dale zyrtarisht ne gjyq nen akuzen per perdhunim. Vendimi u mor nga seksioni hetimor i Gjykates se Apelit te Versajese, duke konfirmuar se çeshtja do te shqyrtohet nga gjykata penale departamentale e Hauts-de-Seine.
Ngjarjet datojne ne shkurt te vitit 2023, kur nje grua 24-vjeçare denoncoi se ishte sulmuar seksualisht ne banesen e lojtarit, pasi ishin njohur permes rrjetit social Instagram. Hetimi ka zgjatur me shume se tre vjet, gjate te cilave Hakimi ka mbajtur qendrim mohues ndaj akuzave.
Ne nje reagim ne rrjetin social X, Hakimi shprehu zhgenjimin e tij, duke pretenduar se hetimi nuk do te kishte ndodhur nese ai nuk do te ishte nje personazh publik. Nga ana tjeter, avokatja e pales paditese, Rachel-Flore Pardo, deklaroi se ky vendim i ka sjelle klientes se saj lehtesim dhe shprese per drejtesi.
Avokatja mbrojtese e lojtarit, Fanny Colin, kundershtoi vendimin, duke theksuar se gjate procesit hetimor jane gjetur elemente shfajesuese dhe kunderthënie ne deklaratat e denoncueses. Ajo shtoi se, ne rrethana te tjera, keto prova do te kishin sjelle nderprerjen e procedimeve gjyqesore. Deri me tani, nuk eshte caktuar ende data e nisjes se gjyqit per kete çeshtje.
Përditësime
Futbollisti Achraf Hakimi do të përballet me gjyq për akuzën e përdhunimit, pasi Gjykata e Apelit rrëzoi kërkesën e tij për anulimin e procesit. Përmes një deklarate zyrtare, Hakimi shprehu gatishmërinë për të nisur gjyqin, duke theksuar se kjo është mundësia e tij për të sqaruar pozicionin përballë akuzave.