Aktorja dhe deputetja e Kuvendit të Kosovës, Adriana Matoshi, ka siguruar një mandat tjetër legjislativ pas zgjedhjeve parlamentare të mbajtura më 7 qershor. Sipas të dhënave pas numërimit të 97 për qind të votave, Matoshi është renditur e 31-ta në listën e kandidatëve më të votuar të Lëvizjes Vetëvendosje, ku garoi me numrin 43.
Ndonëse mandati është konfirmuar, mbështetja elektorale për aktoren nga Gjilani ka shënuar rënie në raport me ciklin e kaluar zgjedhor. Në zgjedhjet e mëparshme, ajo kishte siguruar 38,348 vota, duke u renditur e 20-ta në listën e partisë së saj. Rezultati aktual prej mbi 23 mijë e 300 votash e konfirmon atë sërish si pjesë e legjislativit, duke vijuar angazhimin e saj politik paralelisht me karrierën artistike.