Afrim Qendro është emëruar kryetar i Inspektoratit Kombëtar të Mbrojtjes së Territorit (IKMT) nga Kryeministri Edi Rama më 12 shkurt 2026.
Qendro, deri para pak ditësh, ka mbajtur detyrën e Prefektit të Qarkut të Tiranës, ku u zëvendësua nga Shkëlqim Hajdari.
Gjatë karrierës së tij, ai ka ushtruar funksione të larta administrative dhe politike:
- Drejtues i Ndërmarrjes Nr. 1 në Bashkinë e Tiranës;
- Drejtues i Inspektoratit Ndërtimor të Tiranës;
- Drejtues i Autoritetit Rrugor Shqiptar;
- Nënkryetar i Bashkisë së Vlorës;
- Koordinator elektoral i Partisë Socialiste në qarqet Tiranë dhe Vlorë;
- Anëtar i Asamblesë Kombëtare;
- Ndër më të votuarit në Asamblenë e Tiranës.
Qendro njihet si bashkëpunëtor i afërt i Edi Ramës nga periudha kur ky drejtonte Bashkinë e Tiranës. Emërimi shënon një ndryshim në drejtimin e IKMT, institucion kyç për kontrollin dhe mbrojtjen e territorit.
Përditësime
Dallëndyshe Bica largohet nga kryeja e IKMT-së.
Afrim Qendro emërohet kryetar në vend të saj pas Prefekturës së Tiranës.