Agron Llakaj, aktor i njohur, foli i prekur në emisionin Top Story për aksidentin tragjik në Durrës, ku humbën jetën dy të mitur, Klesi Nikollit dhe Enea Muçaj, ndërsa një i tretë u plagos rëndë.
Ai nuk mbajti dot lotët dhe shprehu ngushëllimet më të sinqerta për familjarët, duke thënë: "Zoti i forcoftë." Llakaj e përshkroi ngjarjen si karambol shpirtëror dhe klithmë për të gjithë shoqërinë, duke theksuar dhimbjen e papërshkrueshme kur prindërit varrosin fëmijët, siç thuhet popullisht "larg nga evlati".
Sipas tij, shoqëria shqiptare harron shpejt tragjedinë dhe nuk mobilizohet. Ai e cilësoi si problem të thelbit shoqëror, jo vetëm shtetëror, duke e quajtur shoqërinë e paedukuar dhe rrugaçe. Të fortët sundojnë rrugët, ecin me shpejtësi të lartë si të duan, ndërsa në Tiranë kufiri është 40 km/h për siguri.
Llakaj tha se njerëzit mbajnë sytë te ekranet për të mësuar viktimën e radhës dhe heshtja kolektive na bën bashkëautorë në krim. Ai përmendi nipërit e tij si engjëj dhe kritikoi rritjen e një brezi të rrezikshëm që merr modele nga sundimi i të fortëve. Shoqëria, sipas tij, është e varur nga Facebook dhe TikTok.
Ai citoi vargje nga Migjeni: "Ah që s’kam një grusht të fortë që ti bie malit", duke pyetur kujt t'i bie grushti. Llakaj përmendi gjithashtu komentin e Erion Braçe se ngjarja është krim, por theksoi se dënimi i autorit nuk mjafton.