Një aksident me pasojë vdekjen është regjistruar mëngjesin e hënës së 2 shkurtit 2026, në aksin rrugor Nikël-Larushk, në Fushë-Krujë.
Një automjet, të cilin e drejtonte punonjësi i policisë E.B., me detyrë në Trupën e Shërbimit / Patrullën e Përgjithshme pranë Komisariatit të Policisë Krujë, ka humbur drejtimin dhe ka përplasur këmbësoren me inicialet N.Ç.. Kjo e fundit ka humbur jetën për pasojë.
Agjencia e Mbikëqyrjes Policore, me seli në Rajonin Durrës-Kavajë, ka arrestuar në flagrancë punonjësin E.B., i dyshuar për kryerjen e veprës penale “Shkelja e rregullave të qarkullimit rrugor”, të parashikuar në nenin 290 të Kodit Penal.
Materialet procedurale janë referuar në Prokurorinë Pranë Gjykatës së Shkallës së Parë të Juridiskionit të Përgjithshëm Tiranë.