Një aksident rrugor i rëndë ka ndodhur pasditen e enjteje në aksin e rrugës kombëtare Prrenjas–Librazhd, në zonën e njohur si Kthesat e Dragostunjës.
Një motoçikletë, ku udhëtonin dy adoleshentë si drejtues dhe pasagjer, është përplasur me një automjet. Si pasojë e përplasjes së fortë, të dy djemtë pësuan fraktura të shumta në trup dhe mbetën në gjendje të rëndë shëndetësore.
Të plagosurit janë një banues i fshatit Hotolisht dhe tjetri nga zona e Polisit në Librazhd.
Menjëherë pas ngjarjes, ata u transportuan me urgjencë në Spitalin Rajonal të Elbasanit. Për shkak të gjendjes së rënduar, mjekët vendosën dërgimin e tyre të menjëhershëm në Spitalin e Traumës në Tiranë për trajtim të specializuar.
Policia ka mbërritur në vendngjarje dhe ka nisur hetimet për zbardhjen e shkaqeve dhe rrethanave të aksidentit.