Një aksident i trefishtë rrugor është regjistruar mëngjesin e sotëm, datë 8 gusht 2026, në aksin rrugor Lezhë-Laç, pranë kryqëzimit të Spitenit. Në këtë ngjarje janë përfshirë 3 automjete, përplasja mes të cilave ka shkaktuar plagosjen e një personi.
I lënduari është transportuar me urgjencë drejt Spitalit të Lezhës për të marrë ndihmën e nevojshme mjekësore. Sipas të dhënave paraprake, personi i dëmtuar ndodhet jashtë rrezikut për jetën.
Shërbimet e Policisë kanë mbërritur në vendin e ngjarjes menjëherë pas marrjes së njoftimit. Grupi hetimor është duke punuar për të përcaktuar shkaqet dhe rrethanat e plota në të cilat ndodhi ky aksident.