Mesditën e së hënës, më 27 korrik 2026, një aksident rrugor ka ndodhur në autostradën Tiranë-Durrës. Në këtë ngjarje janë përfshirë gjithsej pesë automjete, të cilat janë përplasur me njëra-tjetrën, duke shkaktuar bllokim të qarkullimit në këtë aks të rëndësishëm.
Si pasojë e përplasjes, në autostradë është krijuar trafik i rënduar, ndërsa radhët kilometrike të automjeteve kanë sjellë vështirësi të theksuara në lëvizjen e mjeteve të tjera. Deri në këto momente, nuk ka ende të dhëna zyrtare nëse nga ky aksident ka persona të lënduar apo informacione mbi gjendjen e tyre shëndetësore.
Shërbimet e Policisë kanë mbërritur menjëherë në vendin e ngjarjes. Përfaqësuesit e forcave të rendit po punojnë për menaxhimin e trafikut dhe zhbllokimin e rrugës, ndërsa grupi hetimor po kryen veprimet e nevojshme procedurale për të sqaruar shkaqet dhe rrethanat e plota të këtij aksidenti.