Një aksident rrugor u regjistrua në aksin e rrugës kombëtare Elbasan–Peqin, pranë fshatit Pajovë. Një mjet i tonazhit të rëndë u përplas me një automjet të vogël.
Nga përplasja mbetën të plagosur tre persona, të cilët u transportuan me urgjencë në spital për trajtim mjekësor. Burime nga vendngjarja njoftojnë se të dëmtuarit ndodhen jashtë rrezikut për jetën.
Forcat e policisë mbërritën menjëherë në vendin e ngjarjes dhe po punojnë për zbardhjen e rrethanave të aksidentit. Qarkullimi në këtë segment rrugor u vështirësua përkohësisht.