Një aksident rrugor ka ndodhur në aksin kombëtar Librazhd-Elbasan, në zonën e Tunelit të Murrashit. Automjeti ka dalë nga rruga dhe është përmbysur plotësisht.
Sipas informacioneve paraprake nga vendngjarja, dyshohet se drejtuesi ka humbur kontrollin mbi mjetin për shkak të shpejtësisë së lartë, çka ka çuar në daljen jashtë korsisë dhe përmbysjen.
Burimet raportojnë për një ose disa persona të plagosur. Në vendngjarje kanë mbërritur dy autoambulanca, të cilat po u japin ndihmën e parë të lënduarve dhe po i transportojnë drejt spitaleve.
Forcat e policisë ndodhen në vendin e ngjarjes dhe po punojnë për zbardhjen e rrethanave të plota, përcaktimin e numrit të saktë të të lënduarve dhe gjendjes së tyre.