Një aksident trafiku ka ndodhur sot rreth orës 13:15 në fshatin Vranidoll të Prishtinës, ku u përfshinë dy vetura dhe u lënduan shtatë persona.
Të lënduarit kanë kërkuar ndihmë mjekësore. Zëdhënësi i policisë për rajonin e Prishtinës, Agron Borovci, konfirmoi ngjarjen.
"Rreth orës 13:15, është raportuar për një aksident trafiku të ndodhur në fshatin Vranidoll të Prishtinës. Deri më tani bëhet e ditur se shtatë persona janë lënduar dhe kanë kërkuar ndihmën mjekësore, ndërkaq në aksident janë përfshirë dy vetura", deklaroi Borovci.
Njësia rajonale e trafikut ka dalë në vendngjarje dhe po ndërmerr veprimet e nevojshme për të sqaruar shkaqet e aksidentit.