Gazetari argjentinas Eduardo Feinmann, në një prononcim për Radio Mitre, ka deklaruar se disa futbollistë të kombëtares së Ekuadorit kanë pranuar kërcënime nga një kartel meksikan përpara ndeshjes së fazës së 1/16 së finales të Kampionatit Botëror 2026. Sipas Feinmann, pesë lojtarëve iu dhanë detaje specifike për familjarët e tyre, në përpjekje për t'i detyruar ata të humbnin përballjen kundër Meksikës.
Ndeshja, e cila u zhvillua më 1 korrik në stadiumin Azteca, përfundoi me rezultatin 2-0 në favor të Meksikës. Në lidhje me këto pretendime, portali meksikan De10.mx raporton se FIFA dhe Federata Ekuadoriane e Futbollit nuk kanë konfirmuar asnjë rast të tillë deri në këtë moment.
E vetmja pakënaqësi e shprehur zyrtarisht nga Federata Ekuadoriane e Futbollit para takimit kishte të bënte me shqetësimet e krijuara jashtë hotelit ku ishte akomoduar skuadra, të cilat përfshinin:
• Zhurma të shumta
• Serenata
• Përdorim të mjeteve piroteknike
Meksika pritet të përballet me Anglinë në fazën tjetër të turneut, një ndeshje që është parashikuar të zhvillohet më 6 korrik në stadiumin Azteca.