Shtepia e Bardhe po perballet me shqetesime serioze per nje shkelje te mundshme te sigurise, pas publikimit te fragmenteve nga libri i ri "Regime Change", shkruar nga gazetaret e New York Times, Maggie Haberman dhe Jonathan Swan. Libri, i cili pritet te dale ne treg me 23 qershor, permban pershkrime te detajuara te mbledhjeve te nivelit te larte ne Dhomen e Situatave (Situation Room), nje nga ambientet me te mbrojtura ne qeverine amerikane.
Sipas raporteve, zyrtaret e administratës dyshojne se autoret mund te kene siguruar regjistrime ose dokumente te paautorizuara te diskutimeve te zhvilluara gjate mandatit te dyte te presidentit Donald Trump. Temat kryesore qe kane shkaktuar shqetesim perfshijne strategjine amerikane ndaj Iranit dhe dosjen e Jeffrey Epstein. Perdorimi i pajisjeve te regjistrimit brenda Dhomes se Situatave eshte rreptesisht i ndaluar, ndaj çdo rrjedhje e ketij lloji do te perbente nje thyerje te rende te protokolleve te sigurise.
Administrata nuk i ka kundershtuar keto fragmente, ndersa burime brenda Shtepise se Bardhe raportojne per friken se disa prej bisedave me sensitive mund te jene regjistruar. Nje prej fragmenteve te zbardhura perfshin nje deklarate te Sekretarit te Shtetit, Marco Rubio, ne lidhje me skenaret e kryeministrit izraelit Benjamin Netanyahu per nje ndryshim regjimi ne Iran. Raportimet e medias shtojne se presidenti Trump ka shprehur pakenaqesi te thelle per saktesine dhe detajet e publikuara ne liber.