Albin Kurti, kryeministër i Republikës së Kosovës, ka emëruar Genc Nimonin në pozitën e zëvendësministrit të parë të Drejtësisë më 20 shkurt 2026.
Zyra e Kryeministrit ka bërë të ditur se Genc Nimoni, gjatë mandatit të kaluar qeveritar, ka shërbyer si shef i kabinetit të ministres së Drejtësisë, ku ka qenë i përfshirë në koordinimin e punës dhe agjendës institucionale të këtij dikasteri.
Albin Kurti e uroi Nimonin për detyrën e re dhe i dëshiroi suksese në përmbushjen e përgjegjësive që dalin nga kjo pozitë.
Ndryshe, ministre e Drejtësisë për mandatin katërvjeçar "Kurti 3" është emëruar Donika Gërvalla. Emërimi i Genc Nimonit vjen në vijim të formimit të qeverisë së re.