Kryeministri në detyrë dhe kreu i Lëvizjes Vetëvendosje (LVV), Albin Kurti, ka qëndruar sot në Podujevë për të ndjekur nga afër procesin e korrje-shirjeve të grurit. Gjatë kësaj vizite, Kurti është parë duke u ngjitur në një kombanjë, i shoqëruar nga ministri në detyrë i Bujqësisë, Armend Muja.
Kjo vizitë pason një cikël takimesh të zhvilluara të premten, ku Kurti u takua me krerët e subjekteve politike për të diskutuar lidhur me krijimin e institucioneve të reja të vendit:
- Takimi me kryetarin e PDK-së, Bedri Hamzën, nuk ka prodhuar ndonjë rezultat konkret.
- Në takimet me Lumir Abdixhikun (LDK) dhe Vjosa Osmanin, palët janë dakorduar për vazhdimin e bisedimeve në takimet e ardhshme.