Kryetari i Bashkimit Demokratik për Integrim (BDI), Ali Ahmeti, gjatë një tubimi të partisë ka folur për protestat disa ditore që po zhvillohen në Shqipëri, konkretisht në zonën e Zvërnecit.
Ahmeti rikujtoi kontributin e Shqipërisë në strehimin e qytetarëve nga Kosova gjatë periudhës së luftës, duke e vlerësuar shtetin shqiptar si faktor vendimtar për lirinë e Kosovës. Sipas tij, pa ndihmën dhe mbështetjen e Shqipërisë, Kosova nuk do të ishte në gjendjen aktuale.
Në deklaratën e tij, Ahmeti shprehu keqardhje për zhvillimet e fundit dhe ngriti pikëpyetje mbi origjinën e protestave në Zvërnec. Ai përmendi Greqinë dhe Serbinë si shtete që, sipas tij, nuk favorizojnë rritjen dhe përparimin e sektorit të turizmit në Shqipëri.