Pas fitores së Argjentinës me rezultatin 3-1 kundër Zvicrës, sulmuesi Julián Álvarez foli për DAZN në lidhje me kualifikimin në gjysmëfinalen e Kupës së Botës 2026. Álvarez ishte protagonist në këtë takim, jo vetëm me realizimin e një goli, por edhe me angazhimin e madh në fazën defanzive.
Duke analizuar përballjen, ai pranoi vështirësitë e ndeshjes: "Luftuam deri në fund. E dinim se do t'i kishim edhe 30 minuta shtesë, si dhe një lojtar më shumë në fushë. Arritëm ta shfrytëzonim këtë avantazh dhe në fund fituam", u shpreh ai.
Në lidhje me kritikat në rrjetet sociale, sulmuesi mbajti një qëndrim distancues, duke theksuar se fokusi i ekipit mbetet te puna në stërvitje dhe në fushën e lojës. Sipas tij, skuadra nuk duhet të shpërqendrohet nga ato që thuhen jashtë, pasi përqendrimi i vetëm është te dy ndeshjet e mbetura të turneut, të cilat ai i cilësoi si "dy finale".