Një anije tregtare ruse që transportonte grurë u fundos në Detin e Azovit më 5 prill 2026, duke lënë një viktimë dhe dy persona të zhdukur.
Zyrtari rus Vladimir Saldo, i emëruar nga Rusia për të administruar zonat e kontrolluara në rajonin Kherson të Ukrainës, njoftoi se nëntë anëtarë të ekuipazhit u gjetën të gjallë në breg dhe se të gjithë ishin shtetas rusë. Ai specifikoi se një ndihmës i kapitenit kishte humbur jetën, ndërsa dy të tjerë rezultonin të zhdukur.
Saldo bëri këtë njoftim në Telegram. Anija i përkiste kompanisë Volgo-Balt dhe transportonte grurë.
Autoritetet rusë kanë nisur hetimin për shkaqet e incidentit. Nuk përjashtohet mundësia që anija të jetë goditur nga një dron ukrainas, të marrë flakë dhe më pas të fundoset.