Deputetja e Lëvizjes Vetëvendosje, Arbëreshë Kryeziu-Hyseni, ka akuzuar partitë opozitare se po e shpien vendin drejt një procesi të ri zgjedhor. Sipas saj, veprimet e opozitës janë në kundërshtim të drejtpërdrejtë me qëndrimet dhe kritikat që ato kanë shprehur ndaj pushtetit në të kaluarën.
Gjatë një diskutimi në emisionin Debat Plus, Kryeziu-Hyseni theksoi se opozita po refuzon të sillet në përputhje me vërejtjet që dikur i ka paraqitur si argumente kundër qeverisë. Deputetja e partisë në pushtet pretendoi se partitë opozitare po përpiqen të krijojnë përshtypjen se janë faktori kryesor që po e dërgon vendin në zgjedhje, ndonëse, sipas saj, ato po veprojnë në mënyrë të paqëndrueshme karshi qëndrimeve të mëparshme.
"Janë pikërisht partitë opozitare që janë duke dashur të na çojnë drejt një procesi të ri zgjedhor, duke mos vepruar, ose duke vepruar në kundërshtim me kritikat që ata i kanë pasur dikur karshi neve. Kinse ju jeni faktori që vendi është duke shkuar në zgjedhje", deklaroi **Kryeziu-Hyseni".