Kryetari i Aleancës, Ardian Gjini, ka zhvilluar një takim vëllazëror me kryetarin e BDI-së, Ali Ahmeti, në selinë e Aleancës në Prishtinë. Në këtë bashkëbisedim, Gjini vlerësoi lart kontributin e Ahmetit në proceset historike të shqiptarëve në Ballkan që nga vitet '90 dhe rolin e tij në forcimin e faktorit politik shqiptar në rajon.
Ndërkohë, në kuadër të vizitës së tij në Prishtinë, Ali Ahmeti ka zhvilluar një takim edhe me kryetarin e PDK-së, Bedri Hamza. Palët kanë diskutuar për zhvillimet e fundit politike dhe procesin gjyqësor që po zhvillohet në Dhomat e Specializuara të Kosovës në Hagë.
Duke konfirmuar takimin, Ali Ahmeti bëri të ditur se fokusi i bisedimeve me Bedri Hamzën ishte koordinimi i vazhdueshëm në interes të Kosovës dhe shqiptarëve në rajon. Çështja e zhvillimeve në Hagë mbetet një pikë qendrore në agjendën e konsultimeve të Ahmetit me liderët politikë në Prishtinë.
Përditësime
Kryetari i PDK-së, Bedri Hamza, u takua me Ali Ahmetin për të diskutuar zhvillimet politike dhe procesin në Dhomat e Specializuara të Kosovës.