Arlind Ajeti, mbrojtës i Kombëtares shqiptare, ka realizuar dy gola në ndeshjen e Bodrumspor ndaj Demirspor në Ligën e Parë Turke.
Goli i parë erdhi në minutën e 11-të, kur 32-vjeçari goditi me një të majtë brenda zonës dhe mposhti portierin kundërshtar. Në fund të pjesës së parë, ai shënoi golin e dytë, duke kompletuar dopietën personale.
Ajeti kishte munguar në dy ndeshjet e fundit për shkak të një kartoni të kuq. Me këtë rikthim, ai arrin 3 gola në 22 ndeshje në sezonin e dytë me fanellën e Bodrumspor.