Presidenti i Federatës Shqiptare të Futbollit, Armand Duka, në cilësinë e zëvendëspresidentit të UEFA-s, mori pjesë në Asamblenë e Jashtëzakonshme Zgjedhore të Federatës Italiane të Futbollit (FIGC), ku Giovanni Malagò u zgjodh në krye të institucionit.
Gjatë fjalës së tij, Duka përcolli mesazhin e mbështetjes nga presidenti i UEFA-s, Aleksander Čeferin, duke e cilësuar FIGC-në si një nga federatat më me ndikim në futbollin evropian. Ai theksoi se UEFA po ndjek me vëmendje zhvillimet në Itali dhe konfirmoi bashkëpunimin e vazhdueshëm.
Në fjalën e tij, Duka vlerësoi kontributin e ish-presidentit Gabriele Gravina. Ai e cilësoi dorëheqjen e këtij të fundit si një akt përgjegjësie dhe guximi, duke shtuar se puna e Gravinës ka qenë thelbësore për forcimin e sistemit të futbollit italian. Duka përfundoi duke shprehur besimin se futbolli në Itali disponon themele të forta për zhvillime dhe sfida të reja në të ardhmen.
Përditësime
Zëvendëspresidenti i UEFA-s, Armand Duka, mori pjesë në Asamblenë Zgjedhore të Federatës Italiane të Futbollit (FIGC). Në fjalën e tij përshëndetëse, Duka vlerësoi rëndësinë e këtij takimi, duke u shprehur: 'Është nder i madh të përcjell përshëndetjet e UEFA-s në këtë asamble të jashtëzakonshme'.