Policia e Kosovës ka arrestuar pesë persona në Prishtinë nën dyshimin për kryerjen e veprave penale të rrëmbimit, armëmbajtjes pa leje dhe keqtrajtim fizik.
Të arrestuarit, një femër dhe katër meshkuj kosovarë, dyshohet se më 10 maj kanë rrëmbyer një person. Ata e kanë mbajtur viktimën për një kohë në një shtëpi, ku e kanë maltretuar fizikisht dhe i kanë marrë veturën.
Gjatë kontrollit nga policia është konfiskuar një armë pistoletë me një fishek, si dhe dy gram substancë narkotike e llojit marihuanë.
Me vendim të prokurorit, katër nga të dyshuarit janë dërguar në mbajtje, ndërsa e dyshuara femër është liruar në procedurë të rregullt.
Përditësime
Policia arrestoi pesë persona në Prishtinë më 19.05.2026 për rrëmbim dhe keqtrajtim fizik të ndodhur më 10.05.2026 rreth orës 22:00.