Policia e Milanos arrestoi një 50-vjeçar shqiptar, shofer i një kamioni me targa shqiptare, dhe një 27-vjeçar maroken për posedim lëndësh narkotike me qëllim shitjen. Ngjarja ndodhi në provincën e Milanos dhe Bergamos, pas disa ditësh vëzhgimi nga Skuadra Flying.
Oficerët ndoqën fuoristradën e 27-vjeçarit maroken, i cili pas disa ndalesash në periferi të Milanos u drejtua drejt Stezzanos në provincën e Bergamos. Atje, pranë një zone pushimi, ai dorëzoi dy çanta me 270 mijë euro para cash shoferit të kamionit, i cili në këmbim i dha dy qese me 10 kg kokainë dhe 17 kg heroinë. Të dy u ndaluan menjëherë.
Kontrollet u zgjeruan në banesën e marokenit në zonën e Lodit, ku gjetën një çantë shpine me 2.5 kg kokainë. Në një garazh në Vizzolo Predabissi u sekuestruan 3 kg kokainë në një sedan dhe 30 mijë euro para cash. Totali i lëndëve narkotike arriti mbi 32 kg.
Arrestim tjetër shqiptari
Një shtetas shqiptar u arrestua më 10 prill në autostradën A1, mes Lodit dhe Piaçencës, për transport kokaine. Autoritetet sekuestruan 45 kg kokainë të fshehur në automjet, me vlerë rreth 2 milionë euro në treg. Brenda makinës gjetën 40 pako nga rreth 1 kg secila, plus 1 kg shtesë në banesë dhe 10 mijë euro cash.
Çdo person prezumohet i pafajshëm deri në vendim gjyqësor të formës së prerë.