Policia e Përmetit, në bashkëpunim me policinë e Këlcyrës, ka finalizuar operacionin e koduar "Historiku", duke arrestuar në flagrancë shtetasin K. K., 33 vjeç, banues në Përmet. Ai ka precedent penal në fushën e narkotikëve.
Nga kontrolli në banesën e tij u gjetën dhe u sekuestruan 3 armë zjarri (një kallashnikov dhe dy pushkë), 300 fara kanabisi, sasi kanabisi e dyshuar e poseduar me qëllim shitjen, si dhe 4 krehra me fishekë luftarakë.
Armët do të dërgohen në Institutin e Policisë Shkencore për ekspertizë, me qëllim verifikimin nëse janë përdorur në ngjarje kriminale. Materialet procedurale iu referuan Prokurorisë së Gjirokastrës për veprime të mëtejshme.
Operacioni u zhvillua pas informacioneve operative për përfshirjen e tij në veprimtari kriminale. Një burim identifikon të arrestuarin si Kristjano Kolaqi.