Artikulli u përditësua — Shiko përditësimet
Policia e Korçës ka arrestuar një 40-vjeçar pasi mbrëmjen e djeshme ka kanosur me thikë menaxherin e një supermarketi në lagjen 10 të qytetit.
Sipas të dhënave nga forcat e policisë, autori ka pritur menaxherin për të dalë jashtë dhe ka përdorur një mjet prerës për t’i kërkuar xhiron e ditës. Ai mbante veshur një kapuç për të shmangur identifikimin.
Komisariati i policisë ka bërë të mundur identifikimin dhe kapjen e shpejtë të autorit. 40-vjeçari është i njohur për policinë, pasi ka qenë i dënuar më parë për vjedhje.
Mbi të rëndon akuza e "vjedhjes me dhunë", ndërsa vijojnë veprimet për zbardhjen e plotë të rastit.
Përditësime
Dhimitri Xhemali kërcënoi menaxherin me fjalët “Më jep lekët ose të vras”.