Një burrë 34-vjeçar iranian dhe një grua 31-vjeçare u arrestuan në Bazën Detare Faslane (HM Clyde), pranë qytetit Helensburgh në Argyll dhe Bute, Skoci. Ngjarja ndodhi rreth orës 17:00 të enjten, sipas Policisë së Skocisë.
Të dyshuarit u përpoqën pa sukses të hynin me forcë në bazë, ku strehohen nëndetëset e armatosura me armë bërthamore të Marinës Mbretërore Britanike, duke përfshirë ato të klasit Vanguard me raketa Trident. Marina Mbretërore konfirmoi dështimin e përpjekjes. Kombësia e gruas mbetet e panjohur, raporton BBC.
Arrestimet vijnë në kontekstin e tensionesh të larta mes Iranit dhe Perëndimit. SHBA dhe Izraeli nisën sulme të gjera ndaj Iranit më 28 shkurt, duke vrarë udhëheqësin suprem të këtij vendi. Irani kundërpërgjigjur me sulme ndaj Izraelit dhe aleatëve të SHBA-së në Gjirin Persik.
Sekretari i Mbrojtjes John Healey tha se Mbretëria e Bashkuar po rishikon nivelin e kërcënimit terrorist, i cili mbetet "i konsiderueshëm", që do të thotë se një sulm është "i mundshëm". Kryeministri Keir Starmer deklaroi se vendi ka rritur mbrojtjen për bazat dhe personelin britanik në nivelin më të lartë.
Përditësime
Autoritetet skoceze kanë akuzuar të dyshuarit, të cilët do të paraqiten në Gjykatën e Sherifit të Dumbarton më 23 mars.
Sipas detajeve të reja:
- Gruaja është shtetase rumune.
- Policia u informua në orën 17:00 të enjten dhe i arrestoi të nesërmen.
- Media britanike i dyshojnë si spiunë iranianë.
- Britania ka rrëzuar raketa dhe dronë iranianë në Gjirin Persik.