Policia e Kosovës ka arrestuar një mashkull kosovar në Ferizaj nën dyshimin për kryerjen e veprës penale të ngacmimit seksual ndaj një femre kosovare.
Sipas njoftimit të policisë, ngjarja ndodhi më 17 janar 2026, rreth orës 23:00. I dyshuari dyshohet se në mënyrë sistematike, në lokacione dhe kohë të ndryshme, e ka detyruar viktimën të shikojë materiale audio-vizuale me përmbajtje pornografike në telefonin e tij.
Po ashtu, i dyshuari dyshohet se ka sulmuar bashkëshorten e tij, femër kosovare. Gjatë intervistimit, i dyshuari ka mohuar pretendimet e viktimës.
Me vendim të prokurorit kompetent, pas intervistimit, i dyshuari është dërguar në mbajtje. Rasti trajtohet nga organet e hetuesisë.