Një shtetas i huaj është arrestuar në Deçan nën dyshimin se posedonte substanca narkotike.
Ngjarja ka ndodhur mbrëmjen e së hënës rreth orës 22:50 në rrugën "Fatmir Nimanaj", sipas njoftimit të Policisë.
Gjatë kontrollit të automjetit të drejtuar nga një dëshmitar mashkull kosovar, tek pasagjeri, shtetasi i huaj, u gjetën dhe u konfiskuan dy qese me substancë të dyshuar narkotike të llojit kokainë. Pesha e substancës nuk specifikohet.
I dyshuari u arrestua në vendin e ngjarjes. Me vendim të prokurorit, ai u dërgua në mbajtje.
Rasti është iniciuar për veprën penale "blerja, posedimi dhe shitja e paautorizuar e substancave narkotike".