Sonte në orën 21:00, Arsenal dhe Atlético Madrid përballen në Emirates Stadium të Londrës për ndeshjen e kthimit të gjysmëfinales së UEFA Champions League.
Ndeshja e parë, e luajtur në Metropolitano të Madridit, përfundoi me barazim 1-1, me gola nga penalltia të shënuar nga Viktor Gyökeres për Arsenal dhe Julián Álvarez për Atlético Madrid.
Fituesi siguron biletën për finalen e 30 majit në Budapest. Arsenal synon rikthimin në finale pas 20 vitesh, që nga humbja 1-2 ndaj Barcelonës. Atlético Madrid nuk ka qenë në finale që nga viti 2016, kur u mund me penallti nga Real Madrid.
Arsenal hyn me avantazh psikologjik, pasi është i pamposhtur ndaj Atlético Madrid këtë sezoni: fitore 4-0 në fazën e grupeve dhe barazim në gjysmëfinale.
Mungesat kryesore
• Arsenal: Mikel Merino dhe Jurrien Timber për shkak dëmtimesh.
• Atlético Madrid: Pablo Barrios dhe Nicolas González.
Ndeshja drejtohet nga arbitri gjerman Daniel Siebert.
Formacionet e mundshme
Arsenal: Raya; White, Saliba, Gabriel, Hincapié; Eze, Zubimendi, Rice; Saka, Martinelli, Gyökeres.
Atlético Madrid: Oblak; Llorente, Pubill, Hancko, Ruggeri; Simeone, Cardoso, Koke, Lookman; Griezmann, Álvarez.
Nesër luhet ndeshja tjetër gjysmëfinale: Bayern Munich kundër Paris Saint-Germain në Allianz Arena, pas fitores 5-4 të PSG-së në takimin e parë.
Përditësime
Arsenal fitoi 3-0 ndaj Fulham në fundjavë dhe vazhdon garën për titullin në Premier League. Atlético Madrid fitoi 2-0 ndaj Valencia në La Liga, por është jashtë garës për titull.
Diego Simeone deklaroi: "Do t’u them lojtarëve të mi që të luajnë si në pjesën e dytë të ndeshjes në shtëpi. Do të mundohemi të luajmë ndeshjen që duhet luajtur, me intensitet. Kemi shumë besim."
Antoine Griezmann do të largohet nga Atlético Madrid pas këtij sezoni. Ndeshja e sonte mund të jetë e fundit e tij në Champions League. Ai tha: "Do të jetë ndeshje e madhe... Jemi një hap larg finales. Ekipi e di këtë dhe shihet që ka shumë besim."
Nahuel Molina mungon te Atlético Madrid për shkak dëmtimi, konfirmojnë burimet.