Pavarësisht humbjes në finalen e Ligës së Kampionëve në Budapest përballë PSG-së, skuadra e Arsenalit ka organizuar paradën zyrtare për festimin e titullit kampion në Premier League. Lojtarët dhe stafi teknik parakaluan përgjatë rrugëve kryesore të Londrës me autobusë me çati të hapur, për të ndarë suksesin me mbështetësit e tyre.
Sipas raportimeve të BBC-së, numri i pjesëmarrësve në këtë ceremoni arriti në mbi 500 mijë tifozë. Atmosfera u shoqërua me fishekzjarrë, flamuj dhe këngë, ndërsa parada zgjati rreth 2 orë e gjysmë.
Ky sukses shënon rikthimin e Arsenalit në majën e futbollit anglez pas 22 vitesh. Për klubin londinez, ky është titulli i 14-të kampion në historinë e tij.
Përditësime
Autoritetet e Londrës kanë rishikuar vlerësimin e pjesëmarrjes në paradën e Arsenalit, duke e çuar numrin e tifozëve në 1 milion, dyfishi i shifrës së mëparshme prej 500 mijë personash. Festimet u përqendruan kryesisht në Londrën Veriore, përreth stadiumit Emirates. Ndërkohë, fati i finales së Ligës së Kampionëve u vendos pas gjuajtjeve të penalltive.
Sipas raportimeve të The Guardian, mbi 1 milion tifozë morën pjesë në paradën e Arsenalit për festimin e titullit kampion. Karvani përshkoi një itinerar prej tetë kilometrash nëpër rrugët e Londrës, ndërsa policia raportoi për incidente sporadike gjatë festimeve.