Arsenali ka nisur negociata me Newcastle United për të marrë mesfushorin italian Sandro Tonali, sipas një raporti nga Sky Germany.
Ky interes erdhi pas dëmtimit të mesfushorit spanjoll Mikel Merino, ish-lojtar i Real Sociedad-it, që e detyroi klubin londinez të rishikonte planet në minutat e fundit të afatit të transferimeve të janarit.
Deri atëherë, Arsenali, i drejtuar nga trajneri Mikel Arteta, ndiqte një strategji pa blerje të reja, duke u mbështetur në skuadrën aktuale. Tonali, që luan te Newcastle nën drejtimin e trajnerit Eddie Howe, shihet si forcim për mesfushën e "Topçinjve".
Bisedat mes klubeve kanë filluar për aspektet financiare dhe teknike, por Newcastle nuk ka ndërmend ta lejojë largimin e një lojtari kyç si Tonali në orët e mbetura të afatit. Shitja e tij do të linte skuadrën pa zëvendësues të menjëhershëm, duke rrezikuar ekuilibrin sportiv.
Mbetet për t’u parë nëse kjo ofertë do të ketë sukses para mbylljes së afatit.