Të shtunën, më 21 mars 2026, në orën 10:00, në Lalz midis Tiranës dhe Durrësit mblidhet Asambleja e Partisë Socialiste. Mbledhja vjen pas ndryshimeve në qeveri të bëra nga kryeministri Edi Rama.
Fjalën hapëse e mban Sekretari i përgjithshëm i PS-së Blendi Klosi, për ta kaluar më pas te kryetari i partisë Edi Rama.
Axhenda e diskutimeve
Diskutimet do të përqendrohen te puna e organizatave socialiste në rang vendi, udhëzimet për zgjedhjet e brendshme të partisë, analiza e detajuar e performancës në zgjedhjet parlamentare të 2025-ës dhe përgatitjet për zgjedhjet vendore të 2027-ës.
Zgjedhjet e brendshme
Partia do të riformojë strukturat nga baza, duke përfshirë zgjedhjen e kryetarëve të organizatave socialiste dhe formimin e forumeve të reja. Procesi pritet të përfundojë më 12 qershor 2026, datë që përkon me 35-vjetorin e krijimit të PS-së. Sipas burimeve, zgjedhjet brendshme ndahen në tre faza:
- Zgjedhjet në organizatat socialiste: 16 prill – 15 maj 2026;
- Zgjedhjet e kryetarëve të partisë në bashkive: 16 maj – 15 qershor 2026;
- Zgjedhjet në strukturat jashtë vendit.
Kriteret për kandidatë përfshijnë arsimin e lartë, vendbanimin në zonë dhe angazhimin në fushatat e 2021, 2023 dhe 2025.
Organizimi në diasporë
Një pikë tjetër është nisma për organizimin në diasporë, duke nisur regjistrimin online të anëtarëve në vendet kryesore si Itali, Greqi, Gjermani, SHBA, Mbretëria e Bashkuar dhe Kanadaja. Procesi parashikon periudhën mars-shtator 2026 për regjistrim, tetor 2026-mars 2027 për ngritjen e strukturave dhe formimin e këshillave koordinuese me mandat dyvjeçar. Kjo synon përfshirjen e tyre në Asamblenë Kombëtare të PS-së.
Përditësime
Asambleja e PS-së ka nisur mbledhjen në Gjirin e Lalëzit.
Kryeministri Edi Rama ka mbërritur në vend, sipas Ora News.