Australia ka regjistruar për herë të parë praninë e virusit të gripit të shpendëve H5N1 në territorin e saj. Virusi u identifikua pas analizave laboratorike te një skua kafe migratore dhe një pelikan, të gjetur pranë qytetit Esperance, rreth 570 kilometra në jugperëndim të Perthit.
Kryeministri Anthony Albanese e ka cilësuar këtë zhvillim si shqetësues dhe ka njoftuar angazhimin maksimal të qeverisë për të parandaluar përhapjen e mëtejshme. Nga ana tjetër, Ministrja e Bujqësisë, Julie Collins, theksoi se për momentin nuk ka prova që virusi të ketë prekur shpendët e fermave ose të ketë shkaktuar ngordhje masive në popullatën e shpendëve.
Në përgjigje të kësaj situate, autoritetet australiane kanë forcuar protokollet e biosigurisë, të cilat përfshijnë:
• Rritjen e kontrolleve në ferma;
• Zgjerimin e testimeve diagnostikuese për shpendët e egër;
• Vaksinimin e specieve më të rrezikuara;
• Zhvillimin e planeve të posaçme për reagim ndaj shpërthimeve të mundshme.
Ndërsa gripi H5N1 ka shkaktuar ngordhjen e qindra miliona shpendëve në nivel global gjatë viteve të fundit, duke ndikuar në zinxhirët e furnizimit ushqimor dhe rritjen e çmimeve, autoritetet theksojnë se rastet e transmetimit te njerëzit mbeten të rralla. Hetimet vijojnë për të vlerësuar shkallën e përhapjes së virusit në zonat ku u zbuluan rastet e para.
Përditësime
Autoritetet shëndetësore kanë konfirmuar rastin e parë të gripit të shpendëve H5N1 në Parkun Kombëtar Cape Le Grand, rreth 700 kilometra larg Perth-it. Me këtë rast, virusi është përhapur tashmë në të gjitha kontinentet. Zhvillimet e fundit përfshijnë: