Deputeti i Partisë Demokratike Luan Baçi ishte i ftuar të mërkurën në emisionin "Programi i Drekës" në News24, ku bisedoi me moderatores Ola Brukën për aktualitetin politik.
Protesta e opozitës
Ai u ndal te protesta e radhës e opozitës, e njoftuar nga kreu i PD-së Sali Berisha për 10 shkurt. Baçi theksoi se detajet e organizimit, përfshirë mundësinë e bllokimit të bulevardit, do t'i marrin strukturave të PD-së. "Protestat do të jenë të vazhdueshme dhe të përhershme me mënyra dhe mjete nga më të ndryshmet. Çdo protestë do të jetë më e fortë se e para", u shpreh ai.
Akuzat ndaj Ramës
Baçi akuzoi kryeministrin Edi Rama se po pengon drejtësinë në rastin e zëvendëskryeministres Belinda Balluku. Sipas tij, SPAK ka vënë përballë provash konkrete për aferat me buxhetin, ku Balluku ka pasur në dorë më shumë se gjysmën e tij, si dhe për intimidimin e dëshmitarëve. Prokuroria e Posaçme ka kërkuar arrestimin e saj dhe heqjen e imunitetit.
Deputeti demokrat pretendon se Rama po përdor artifica ligjore për ta mbrojtur atë, duke e çuar çështjen në Kushtetuese, duke mos mbledhur Këshillin e Mandateve dhe duke synuar kalimin e afatit 3-mujor. "Rama e di se, nëse ikën Balluku, i vjen radha atij", tha Baçi, duke e lidhur këtë me zemërimin qytetar dhe përdorimin simbolik të molotovit në protesta.