Banorët e fshatit Miliska në njësinë administrative Thumanë janë nën pushtetin e ujit prej katër ditësh. Çarja e argjinaturës së lumit Drojë ka sjellë prurje të mëdha uji, duke përmbytur qindra hektarë tokë bujqësore dhe banesa.
Një pjesë e banorëve kalojnë natën jashtë shtëpive, ndërsa të tjerë mbeten të izoluar brenda tyre për shkak të nivelit të lartë të ujit. Situata vazhdon të jetë e rëndë, me mungesa në furnizimin me bukë dhe ushqime të tjera.
Banorët apelojnë institucionet për ndihmë të menjëhershme, duke theksuar nevojën për evakuim dhe furnizim bazik.