Klubi katalanas, Barcelona, përmes një komunikate zyrtare, ka konfirmuar se mesfushori Frenkie de Jong vuan nga një dëmtim në ligamentin medial kolateral (MCL) të gjurit të djathtë. Lojtari kishte shfaqur shqetësime fizike gjatë pjesëmarrjes me përfaqësuesen e Holandës në Kupën e Botës 2026, ku në ndeshjet e fundit të turneut u paraqit me një mbrojtëse në gju.
Pas ekzaminimeve mjekësore të kryera në qendrën stërvitore Joan Gamper, është vendosur që De Jong të mos i nënshtrohet ndërhyrjes kirurgjikale, të paktën në këtë fazë. Ai do të ndjekë një proces rehabilitimi të mbikëqyrur nga stafi mjekësor i klubit. Ndërsa raportimet e mediave spanjolle, si ato të gazetarit Javi Miguel, flasin për një periudhë mungese prej 5 deri në 6 muaj, klubi ende nuk ka specifikuar një afat kohor zyrtar për rikthimin e tij në fushë.
Trajneri Hansi Flick do të detyrohet të organizojë repartin e mesfushës pa shërbimet e 29-vjeçarit. Sipas burimeve pranë klubit, Barcelona nuk planifikon të kërkojë zëvendësues në tregun e transferimeve, duke u mbështetur në alternativat e organikës si: Pedri, Gavi, Dani Olmo, Fermín López, Marc Bernal, Eric García dhe Andreas Christensen. Ky dëmtim vjen pas një periudhe dyvjeçare ku futbollisti është përballur me sfida të vazhdueshme fizike.
Përditësime
FC Barcelona ka aktivizuar Programin e Mbrojtjes së Klubeve të FIFA-s pas dëmtimit të mesfushorit Frenkie de Jong. Sipas rregullores, klubi përfiton një kompensim ditor prej 20.548 eurosh, me një dëmshpërblim maksimal që mund të arrijë deri në 7.5 milionë euro.
Pas konfirmimit të dëmtimit në gju të Frenkie de Jong, Barcelona ka nisur zyrtarisht kërkimet për një zëvendësues. Klubi ka identifikuar Lamine Camara të Monaco-s si objektivin kryesor, me një vlerë merkatoje prej 40 milionë euro.