Barcelona ka njoftuar largimin e saj zyrtar nga projekti i Superligës Evropiane më 7 shkurt 2026. Klubi katalanas i ka komunikuar vendimin European Super League Company-s dhe klubeve të tjera të përfshira, duke e lënë Real Madridin si pjesëmarrësin e vetëm të mbetur.
Projekti u nis në vitin 2021 me 12 ekipe fillestare, por u zvogëlua gradualisht. Gjashtë klubet e Premierligës u tërhoqën të parat për shkak të protestave të tifozëve, pastaj ekipet italiane, Atletico Madrid dhe Juventus një vit më vonë.
Presidenti i Barcelonës, Joan Laporta, kishte paralajmëruar këtë vendim në tetor dhe dhjetor 2025. Në një bashkëbisedim të organizuar nga Foros La Vanguardia, ai deklaroi: "Ne duam paqe dhe qëndrueshmëri në futboll. Superliga ma dha dhe vazhdova me këtë projekt se mendova se kishte shumë diferencë me klubet-shtet. Kjo çështje u zgjarr shumë dhe e gjithë kjo paqartësi nuk na sjellin përfitime."
Ky largim përforcon afrimin e Barcelonës me UEFA-në. Në tetor 2025, Laporta mori pjesë në një event të Shoqatës së Klubeve Evropiane (EFC) bashkë me presidentin e UEFA-së, Aleksander Čeferin, dhe atë të PSG-së, Nasser Al-Khelaifi, duke treguar një pajtim pas përplasjeve të mëparshme.
Vendimi reflekton tensionet në rritje mes Barcelonës dhe Real Madridit, veçanërisht në lidhje me çështjen Negreira, ku Reali ka kërkuar ndëshkime për akuzat e korrupsionit sportiv kundër katalanasve. Projekti synonte të garantojë të ardhura më të mëdha dhe stabilitet ekonomik për klubet e mëdha, por humbi mbështetjen për shkak të kundërshtimeve.