FC Barcelona po përgatit një kontratë të re njëvjeçare për sulmuesin polak Robert Lewandowski, i cili ndodhet në vitin e fundit të marrëveshjes aktuale. Oferta përfshin ulje të konsiderueshme të pagës bazë, rreth 50%, por kompensim të pjesëshëm përmes bonuseve të lidhura me performancën.
Presidenti i klubit, Joan Laporta, është i vendosur ta mbajë sulmuesin si vlerësim për ndikimin e tij që nga transferimi nga Bayern Munich. Kjo nismë vjen pavarësisht planeve të Barcelonës për të sjellë një sulmues të ri titullar gjatë verës.
Lewandowski ka humbur pjesën më të madhe të formacionit startues këtë sezon ndaj Ferran Torres, por trajneri Hansi Flick i ka dhënë më shumë minuta kohët e fundit për ta rikthyer në formë. Sulmuesi 37-vjeçar kërkon garanci për rolin e tij në projektin e ekipit, veçanërisht nëse vjen një emër i ri në sulm. Ai është i gatshëm të pranojë rol më të kufizuar, por dëshiron të ndihet i vlerësuar brenda grupit.
Nëse Lewandowski qëndron, Barcelona mund të lejojë largimin e Ferran Torres, pasi nuk sheh mundësi bashkëjetesë për tre sulmues tip "numër 9". Gazetari polak Janusz Michalik raporton se trajneri i Chicago Fire, Gregg Berhalter, pret qëndrimin e tij në Kataloni.
Interesi për sulmuesin mbetet i lartë nga klube të tjera:
- Juventusi dhe AC Milani në Itali;
- Chicago Fire në SHBA;
- Klube nga Arabia Saudite.
Vendimi përfundimtar varet nga vetë Lewandowski, i cili e sheh qëndrimin te Barcelona si prioritet.
Përditësime
Barcelona i ka ofruar një kontratë të re Robert Lewandowskit, raporton gazeta Sport.
- Presidenti Joan Laporta u shpreh pro qëndrimit të tij.
- Chicago Fire i ka bërë një ofertë zyrtare.
Goli i Robert Lewandowskit ndaj Shqipërisë ka forcuar bindjen e Barcelonës për rinovimin e kontratës me të.
Robert Lewandowski deklaroi se nuk ka marrë ende një vendim për kontratën e re nga Barcelona. “Po u jap kohë vetes për të vendosur se çfarë është më e mirë për mua. Nuk kam marrë ende asnjë vendim,” tha sulmuesi polak, i cili planifikon ta marrë midis prillit dhe majit.
Të dhëna të tjera:
- Pagë aktuale: 26 milionë euro bruto + bonuse.
- Statistika sezonale: 16 gola dhe 3 asistime në 37 ndeshje.