Borussia Dortmund ka qenë e shqetësuar për largimin e mundshëm të qendërmbrojtësit Nico Schlotterbeck, 26 vjeç, për disa javë. Pas Bayern Munich, edhe Barcelona duket se është tërhequr nga gara për të.
Klubi gjerman është i vendosur ta mbajë lojtarin kyç, i cili ka kontratë deri në vitin 2027. Dortmund-i i ofron atij një rol udhëheqës dhe rritje të konsiderueshme page. Së fundmi raportohet se klubi mund të pranojë një klauzolë lirimi duke filluar nga vera e 2027.
Schlotterbeck ka qenë objekt i interesimit nga shumë klube të mëdha, ndërsa Bayern Munich është tërhequr për momentin nga ky interes.
Sipas gazetës katalunase Sport, një transferim i Schlotterbeck te Barcelona nuk është më në tavolinë. Burime të brendshme të klubit katalanas shpjegojnë se, pavarësisht cilësive të lojtarit, atij i mungon "shpejtësia e nevojshme për t’u përshtatur me stilin e lojës së Hansi Flick".
Dyshimet e Barcelonës për lojtarin ishin raportuar që në dhjetor. Tani është marrë një vendim paraprak. Klubi katalanas do të tentojë transferimin e Alessandro Bastoni dhe Nico Schlotterbeck nuk bën më pjesë në planet e tij.