Punimet e seancës plenare në Kuvend rikthehen pas pushimit më 2 prill 2026. Seanca nis me kërkesën e Partisë Demokratike për përjashtimin e deputetit Taulant Balla, të cilin e akuzojnë për intimidim të deputeteve demokrate.
Gazment Bardhi, kreu i grupit parlamentar të PD, deklaron se nuk do të ketë seancë nëse Balla nuk del jashtë, pasi ka fyer deputetet e PD. Ai shton se sheh zonjat e PS që zgërdhihen dhe përsërit se seanca nuk vazhdon pa largimin e tij.
Kësaj kërkese i përgjigjet Niko Peleshi, deputet i PS. Ai kërkon respektim të rregullores së Kuvendit dhe thekson se nuk është muhabet kafeneje. Sipas tij, rregullorja parashikon që interpretimin e bën drejtuesi i seancës. Peleshi shpjegon se nuk ka të drejtë morale apo ligjore të heqë të drejtën e një grupi parlamentar për të propozuar apo respektuar dëshmorët e kombit. Ai thotë se pyet kryetarët për caktimin e një orari dhe propozon pas rreth një ore.
Peleshi ankohet gjithashtu ndaj deputetes Rudina Vokshi, duke i kërkuar asaj të mos e quajë ‘gjynafqarë’, pasi nuk është fjalor parlamentar. Ai shton se nuk është ‘gjynafqarë’ përderisa shpjegon rregulloren.
Më pas, fjalën e merr Taulant Balla, kreu i grupit të PS, i cili sqaron arsyen e kërkesës për një minutë heshtje për dëshmorët e 2 prillit. Opozita bën zhurmë duke rënë tavolinave me dorë për të penguar fjalën e tij.